300 Congress Street, Suite 204
Quincy Massachusetts USA 02169

Phone:1-617-353-0014
Fax:1-617-859-9798

Kriolístika tema aplaudidu na Bóston

Kriolístika tema aplaudidu na Bóston

Konsuladu Jeral di Kabuverdi na Bóston prizenta na pasadu dia 3 de Maiu, kinta-fera, un Mésa Rodondu sobri Kriolístika na Kabuverdi, lideradu pa nos konvidadu spesial Linguista Manuel Veiga.

Iventu dekore na Masassoit Community College na Brockton, y e foi un indikador ma kuadrus jóvens li na Mérka sta txeu interesadu na sigi pulítika di lingua na Kabuverdi y es krê odja prosésu di ofisializason di lingua kabuverdianu anda más diprésa.

Foi un iventu organizadu ku txeu atenson, y nu tenta leva mensaji pa tudu kamadas di nos kumunidadi ki responde di mesmu manera.

Nu tevi tanbê grandi apoiu di Manuel da Luz Gonçalves y di Agnelo Montrond, dos idukadoris distakadu na es materia di Lingua Kabuverdianu na se preparason, y pa ke-la, nu sta txeu agradisidu tanbê.

Vizita nôs pagina na FaceBook undi ki sta resposta di Dotor Veiga a perguntas di partisipantis.

Asigir un mensaji ki nu rasebe di Manuel Veiga dispos ki e regresa pa Praia.

"Eventu tevi un partisipason si kuasi un sentena di pisoas, ku un sesau di perguntas pertinentis Si ka badu, ka ta biradu" Dja N sta di vólta, mas ku gana di torna volta, pa djuntu di nos kumunidadi na USA. N rasebedu sima un "prínsipi", móda un irmãu. Obrigadu Konsuladu Jeral pa konviti y organizason di evéntu, obrigadu Manuel da Luz y Agnelo Montrond pa palavras di akolhimentu y di aprizentason, obrigadu Inês Brito pa informason sobri pulítika linguístiku na Kabuverdi, obrigadu Carla Martin pa divulgason di enkontru na facebook, obrigadu Massasoit College pa ospitalidadi, mas sobritudu obrigadu nha povu pa karinhu y pa vi...vu interesi na dibati a vólta di "Kriolístika na Kabuverdi - un Prusésu, un Dizafiu".

"It was great... I loved it! ... Nha peli, nha nomi, nha morada". Foi si ki Maria João T. Barbosa klasifika enkontru di Massasoit.

Un otu partsipanti, Neusa Araújo, afirma : "It was very empowering and reinforced the need to continue to have these discussions and let it be known that changes will take place soon, regardless if we are all on board or not. I have a perception that still many Cape Verdeans in CV are not, or maybe, little aware of this development in the history of CV and it seems that this idea is much more embraced in the US than in CV itself".

Prezada Neusa: É pur isu ki nos kumunidadi, elementu fundamental di nos Nason Global, é nos oru, é nos diamanti.

Kada bês más N sta más konvensidu ma dinámika di nos kriolidadi ka ten frontera, ka ten limiti: el nase di enkontru di Purtugal ku Áfrika, mas oxi el sa ta projeta na enkontru di Kabuverdi ku Mundu. Obrigadu diáspora kabuverdianu pa es oru y pa es diamanti kultural y vivensial.

Brevimenti, nha kumunikason ta ser publikadu na nha blog, ku link pa facebook. N ta ben sforsa tanbe pa ben da raspósta, através di facebook, pa tudu kes purgunta formuladu pur skritu y ki N ka rusponde, pa falta di ténpu. Un bês más, obrigadu kumunidadi kabuverdianu na Mérka y un téta rixu, li di txon di nos di nos Rubera, di nosTéra - KABUVERDI."

Informações Adicionais

  • Fonte da Noticia, Cortesia de/News provided, Courtesy of: :
  • Consulado Geral
  • Publication Date:
  • May-06-2012

Login

SimpleSocial

Connect with us on these various social networking sites!

A sua opinião é valiosa | Diga-nos o pensa – Clique aqui - We Value your Feedback | Please let us know what you think  Click Here